Plentzia Bizkaiko golkoko txokorik liluragarriena da, Gorlizekin konpartitzen ditu metro batzuk, baina denok dakigunez, geuk daukagu metroa- geuk daukagu boterea. Plentzia uda partean etorri daitezkeen turista apurrak baino askoz gehiago da.
Sarrera ematen dion zubi zuriak dauzkan argazkiak esaten duten moduan, Plentzia 700 eta piku urteko istoriadun udala da. Beti itsasora begira, marinelen lurraldea. Bueno, marinelena baino gehiago itsasgizonena, astillero eta guzti! Butroe errekak izenaz aldatzen da Plentziako lurrak buztitzean.
Plasecia de Butron izenarekin jaio zen, baina ahozkotasunaren poderioz-edo Plentzia izaten bukatu zuen. Hiriaren sarreran zegoen kartel batek esaten zuen moduan "Plentzia la gallarda saluda a los forasteros de fuera". Ordutik aurrera bere magiaz gozatu nahi izan duen pertsona oro onartu dituzte gallardoek.
No hay comentarios:
Publicar un comentario